domingo, 29 de mayo de 2011

A pensar tamén se aprende

Unha das habilidades máis útiles nesta vida é a de pensar. Para desenvolver dita capacidade os tigres adoitamos adicar un tempiño á semana a Xogar a pensar, aínda que o tentar reflexionar e xustificar as respostas acaba extendéndose a toda a vida na aula. O obxectivo final é que todos aporten algo, que se enriquezcan no diálogo cos demais, na flexibilidade de alternativas ante un problema e que aprendan a xustificar as súas posturas. Se seguides lendo comprobaredes o emocionantes que foron as últimas sesións.

Na primeira chegou á aula esto:

Despois do asombro inicial e dunha pequena observación (na que lle contaron 13 dentes) comezaron preguntas como:
Que era? Como podiamos sabelo?...
Estes ósos estaban segur@s de que pertencían a un "dinosaurio (Diplodocus, sen dúbida), un crocodilo, un reptil, un hipopótamo, unha quenlla..." polo tamaño da cabeza, o longo que era o seu morro,...
( fixádevos como foron capaces de buscar similitudes entre diferentes animais)


Estas foron as explicacións a "Como era posible que a profe os tivese?". Sabede que foron moi debatidas  porque había quen dicía que un museo non emprestaban as cousas tan facilmente.

(desierto, playa, museo, África, Islas Canarias, excavando y con un tesoro)
 Por último a profe pediulles que pensaran como sería o resto do corpo dese animal e que o debuxaran. 



Para ver a segunda sesión teredes que esperar uns días máis.

sábado, 28 de mayo de 2011

O TEMPO ,NON DA PARA MÁIS......

Cada vez queda menos para o final, e ainda nos quedan unha chea de cousas por rematar. Quen non se lembra daquela bruxa que comezamos no Samin e que está a medias, e do totem que iamos construir, pois ben nesta semana puxémonos mans a obra e a outras cousas........
- traballamos as sumas en vertical e horizontal NA NOSA LIBRETA,
- no recanto da plástica fixemos un rodillo de pintor,
- rematamos o totem , e a bruxa case...,
- comezamos a facer os modelos para a actuación de fin de curso.
E seguro que fixemos algo máis, que a profe se lle olvida.
FOTITOS....


miércoles, 25 de mayo de 2011

A canción do noso festival: Paco Papán

Os tigres estanse preparando para cantar no festival de fin de curso a canción de Paco Papán. Deixovos esta actividade lim para que vaiades recordando na casa os diferentes oficios nos que traballou...

viernes, 20 de mayo de 2011

CADA VEZ QUEDA MENOS......

Ainda que esta semana foi  máis curta do normal, nós seguimos a  facer un montón de cousas:
- participamos no PETISCO LITERARIO .Preguntarédesvos que é? pois é unha máis, das estupendas ideas que teñen dende a biblioteca.Consistiu en ler as  poesías que viñan NUHA PALLIÑA e  espetadas nunha larpeira e despois comer un anaco de larpeira,
- pintamos os rolos de cartón , a ver se  lle damos traza ao noso totem,
- tamen comezamos a facer unhas flores,
- xogamos na pizarra , facendo sumas en horizontal e en vertical, ordeando números, escribindo frases cunha palabra dada,
- seguimos a participar no concurso DE QUE CONTO ME ESCAPEI.
- estamos a practicar o festival de fin de curso , e a profe SILVIA ten moita paciencia con nós e coa nosa profe.

FOTOS .....

jueves, 19 de mayo de 2011

Enlaces para secuencias

Como algunhas familias dos tigres demandan a necesidade de traballar aspectos temporais cos nen@s deixovos aquí algúns enlaces para realizar con eles secuencias moi sinxeliñas(se picades nas imaxes qe aparecen  faranse grandes e poderedes descargalas)
Picasa Maestros AyL
Picasa Piperquin
Picasa Rommy
Picasa Mamen 
Blog Nuestro diario

Aínda que non son imaxes reais, que sería o ideal, serviránvos para traballar historias, nocións temporais (antes e despois ou primeiro, segundo, terceiro,...), cambiar finais, introducir personaxes novos, estimular a súa linguaxe oral, ...

Para o razonamento e a expresión oral ( tirádelles da lingua, por favor) deixovos estes para detectar e explicar erros:
Picasa Maestros AyL
Picasa hayunlogopedaentuvida


Irei colocando no panel da dereita outros enlaces cos que podedes traballar dende a casa

miércoles, 18 de mayo de 2011

Un problema de mate no petisco literario

Aínda que xa hai unhas semanas que levamos falando de Lois Pereiro e do día das Letras Galegas hoxe todo o CEIP Bergantiños gozou dun petisco literario para conmemoralas. Na hora de ler en cada aula aparaeceu unha enorme torta cortada en anaquiños. En cada anaquiño había unha palliña cunha poesía para que os nen@s gozasen comendo e lendo.

A profe contoulles aos tigres que iamos aproveitar a torta para poñer o número 148, que reflexa os anos que se publicou Cantares Gallegos, de Rosalía de Castro. A sorpresa chegou cando o número non era o esperado, senón 149...VAIA PROBLEMA!!!! "E como o solucionamos?"- preguntou a profe. Despois de pensar un pouquiño e de facer contas decidiron poñer outras candeas que reflexasen o 8 ( que era o número que faltaba), sumando as que xa tiñamos na aula. As súas opcións foron: 3+5 e 6+2... que sorte saber resolver os problemas!!!

 

 Estes son algúns dos recursos que empregamos que nos serviron para falar e moitos temas como a emigración ou dos hábitos hixiénicos ( xa que Lois Pereiro púxose moi enfermo por un alimento que tomou en mal estado)
- A poesía "Adiós ríos, adiós fontes" cantada por Amancio Prada




E o minilibro que fixemos xa o coñecedes:

 


lunes, 16 de mayo de 2011

XA SOMOS SOCIOS DA BIBLIOTECA.

O martes os tigres e os leóns fomos á biblioteca e á ludoteca de Carballo. Cando entramos na biblioteca quedamos abraiados... os libros chegaban ata o teito!!!! O bibliotecario recordounos algunhas das normas principais a respectar tanto se lemos alí como se levamos libros emprestados para casa... sinxelísimas!!! Parécense tanto ás que temos na aula que recordalas será mooooi sinxelo (esperemos que poñelas en práctica tamén). Aproveitamos a visita para recoller os carnés de socios que tramitamos dende o cole. Agora xa podemos ir coa familia e coller os que máis nos gusten. Seguro que xa teñen algúns na mente porque durante a visita deixáronnos unha morea deles que miramos e limos con moita atención.

Na ludoteca puidemos colorear debuxos, ler contos e xogar coa cociniña, as ferramentas de carpintaría, os crebacabezas, os pinchos, ... e o pasamos de marabilla






Moitas grazas a todo o persoal que nos atendeu!!!!

sábado, 14 de mayo de 2011

EXAMEN , A PRIMEIRA.

O título, xa nos pon nerviosos, pero así foi.O luns pola mañá, a primeira hora tivemos un examen sorpresa (non estudiaramos nada). Pensamos que nos saiu bastante ben, pero ata que poñan as notas , non sabemos nada.E para que vexades que formais estivemos na proba....fotos.....

VAIA SEMANITA.....

Menuda semana que tivemos:
- o luns a 1º hora tivemos examen (si, siiiii examen , nin que estiveramos en primaria)
- a nosa compi Mª, trouxonos pan que fixera ela , estaba un pouco duro ,
- fomos a bliblioteca e a ludoteca,
- tamén escoitamos relatos dos nenos/as de 2º,un día na biblioteca e outro viñeron a contalo a nosa clase,
- fixemos un cadernillo sobre Lois Pereiro e o día das Letras Galegas,
- seguimos a traballar cos indios,
- inventamos un relato sobre uns peixes vermellos,
- estamos a participar no concurso "DE QUE CONTO ME ESCAPEI..."
- E XA EMPEZAMOS A PREPARAR COUSIÑAS PARA A NOSA GRADUACIÓN.
SESIÓN DE FOTOS......


Somos indios e indias artesáns


Según a información que trouxo un amigo tigre á aula os indios eran coñecidos pola súa artesanía. Como daquela non había nin Haley, nin cadena 100, nin Todo lar,... para mercar tiñan que fabricar os seus propios útiles de cociña con barro. Facelo levounos un tempiño porque primeiro tivemos que modelalo a man, logo deixalo secar e despois pensar como os pintariamos. Para coñecer un pouquiño os elementos que eles empregaban miramos páxinas como o álbum picasa de Diego Guillén.
Despois da observación pasamos á acción e démoslle unha base de cor para rematar engadindo puntiños, triángulos, corazóns,coitelos, mulleres...a gusto do creador

miércoles, 11 de mayo de 2011

Estes indios xa teñen tótem!

Despois de moito traballar os tigres e tigresas xa teñen o seu tótem. Non foi fácil:
- Tivemos que elexir catro animais a representar entre todos os nomes indios da nosa aula: un que voara ( como a bolboreta), outro que estivese na auga ( o crocodilo), e dous que vivisen na terra, un salvaxe ( tigre) e outro doméstico (touro)
- Os nen@s trouxeron moitas caixas de cartón para elexir logo cales pensabamos que servían para representar a cada un deles
- Ordenamos as caixas( de 1ª a 4ª) para que o noso tótem fose o máis estable posible
- Decidimos entre tod@s como as pintariamos
- As pintamos da cor correspondente e logo engadimos algunhas características propias ( puntos para a bolboreta, raias para o tigre, escamas para o crocodilo e un anel para o nariz do touro) para o que tivemos que observar moi ben fotografías de Internet...fixádevos ben na representación dos ollos do crocodilo!!!
- Elaboramos algúns detalles importantes como os ollos, as ás, as arellas,...
- Pintamos a boca
Nestes días bailaremos ao seu arredor, para festexar un traballo ben feito!!!

lunes, 9 de mayo de 2011

Botarémoste moito de menos, Yoli!!!


Yoli é unha profe moi importante para os tigres e tigresas. Veu un tempiño de prácticas e pasou moooitas horas na nosa clase. Sempre estivo pendente de axudar a quen o precisara, de calmar os noso nervios cando nos mancabamos, de animarnos cando eses últimos cachiños de merenda non nos baixaban,... e de ensinarnos moitas cousiñas que ela sabía...chegou a contarnos un conto en linguaxe de signos e todo! Pero, para agradecerlle todo o corazón e paciencia que puxo no seu traballo e para que nunca nos olvide regalámoslle xunto cos leóns un libro cheo de debuxos (ao que lle fixemos portada e todo!!!!!!!) e un ramo de flores. Ela tamén quixo endulzar o fin de estancia cunhas chuches, COMO NOS COÑECE XA!!!!!

Se queredes ver este slide máis grande picade sobre el.

domingo, 8 de mayo de 2011

NOVAS DA SEMANA.

Como xa é habitual, ímosvos contar algo do que fixemos ao longo da semana :
- fomos xornalistas e..... de verdade , xa que preparamos os artigos que imos publicar na revista do cole,
- coñecemos dúas novas letras, e con elas, rematamos a nosa viaxe por letrilandia ,levando para casa a lembranza desta longa viaxe, que comezáramos alá polo mes de marzo do ano pasado,
- tamén estivemos traballando algo da nosa comunidade, buscámola no mapa, pintamos o escudo, e tivemos que facer un puzle coas súas provincias,
- seguimos a traballar cos indios,
- e por fin, comezamos a xogar co bingo de palabras e.... que ben o pasamos,
- non pensedes que todo foi traballo, tamén tivemos tempo para xogar,
- tamén nos puxemos algo tristes. Tivemos que decirlle adeus a profe Yoli e, para que de vez en cando se lembre de nós , fixemoslle un libro cos nosos debuxos e os dos tigres e regalámoslle un precioso ramo de flores; e ela ,convidounos a chuches.






ESPERAMOS QUE O PASARÁS BEN NA NOSA CLASE , GRACIÑAS POR TODO E MOITA SORTE COMO MESTRA DE INFANTIL. CARICIAS DOS LEÓNS.

lunes, 2 de mayo de 2011

VISITAMOS O PAZO DA CULTURA.

A clase dos leóns e dos tigres , seguimos a celebrar o día do libro.Esta vez foi cunha visita ao Pazo da Cultura, onde o pasamos xenial. Estivemos na biblioteca, onde lemos libros e xogamos a medir os narices, despois fomos ver unha exposición dos traballos que fixeron os nenos doutros cole....e......tamén vimos os que fixeramos nos. E por último fomos ver unha representación do grupo GOLFIÑOS, que o fixeron fenomenal e nos gustou un montón...montón...e que soubo acaparar todo a nosa atención, vai desde aquí o noso agradecemento a eles por facelo tan ben e a quen nos invitou.FOTOS....FOTOS E MÁIS FOTOS......