Cabazas gañadoras

Parabens Andrea e Ainhoa!!!!!. De tod@s os nen@s de 5 anos que trouxeron cabazas, vós ( e as vosas familias, que sabemos que vos axudaron un pouquiño) sodes as gañadoras!!!! Parabéns igualmente a tod@s os demais amig@s que gañaron e tamén a aqueles que participaron porque o concurso estivo moi reñido, ...traballáchedes tod@s tanto!!!!
Deixámosvos aquí as fotografías das cabazas premiadas, por se non tivéchedes oportunidade de pasar polo colexio!!!

Exposición de cabazas e comidas de medo

     Como todos sabedes xa esta semana adicarémola á preparación e celebración do Samaín. Aínda que estamos a facer moitas actividades, agora mesmo sabemos que o interese dos nen@s está centrado en dúas: o concurso de cabazas (o martes) e a degustación de comidas de medo (o xoves). Se tendes algunha dúbida podedes ver as bases na páxina do ENDL co colexio.

      Para que vaiades practicando nas vosas casas, deixámosvos aquí estes programas para tallar cabazas, no segundo incluso poderedes encender a candea que adoita poñerse por dentro.

 

 Esperamos que vos saian unhas cabazas arrepiantes!!!!!

Así vemos á Brujita Tapita

Hai moitos tipos de bruxas: algunhas son delgadas, outras máis gordiñas, unhas son novas, outras xa viviron unha morea de anos, moitas teñen o pelo gris, pero tamén as hai con el alaranxado, incluso as atopamos con diferentes mascotas: gatos negros, arañas, mouchos... Se vos apetece ver algunhas, aquí tendes uns exemplos das que apareceron cando os nen@s debuxaron á Brujita Tapita:

EMPEZAMOS DE MEDOOOOOOO!!!!

Este primeiro trimestre traballaremos unha emoción moi importante: O MEDO. Todo o cole está apuntado!!!!!

O primeiro foi preguntar aos compañeir@s a que lle tiñan medo e aínda que algúns si o dixeron sen problemas, outros aseguraron que non lle tiñan medo a nada (ou será que aínda non están preparados para contalo?)

Posto que un dos medos compartidos por ámbalas dúas aulas é ás BRUXAS, comezamos coa BRUJITA TAPITA.

Primeiro escoitamos a canción, imaxinamos entre tod@s como sería e a debuxamos

Cando rematamos vimos este vídeo onde aparecía e observamos detidamente as súas características e as diferenzas co que nós imaxinaramos ( e é que ás veces a nosa mente pode xogarnos malas pasadas, non si?). Tanto, tanto nos gustou que decidimos colocalo no blog para poder compartilo cos que nos visiten!!

DECORANDO AS NOSAS PORTAS

Para que os amigos/as que veñen ao colexio e as persoas que nos visiten saiban o nome da nosa aula estamos a decorar entre todos/as as portas. Aínda que xa somos máis maiores e podemos facer as cousas moito máis rápido imos moi despaciño para que nos quede moi xeitoso...

Xa temos a clase chea de información sobre os tigres e os leóns .... a nosa investigación vai vento en popa!!!!

Os nosos primeiros proxectos

Esta é a nota que mandamos ás nosas familias escrita personalmente por cada nen@:

Cada aula investigará sobre o animal que lle da nome. Para isto o primeiro que fixemos foi explicitar:

- que sabemos sobre este animal?
- que queremos saber?
- onde podemos atopar información?

Despois de moito pensar decatámonos de que podemos atopala en:  libros (enciclopedias, diccionarios e contos), no ordenador, no zoo, no circo, nas revistas, nos xornais,...e de que as familias seguro que poderían axudarnos se cada nen@ lle contaba o que queriamos saber. Non se trata de traer resoltos os interrogantes, senón de traer a información para resolvelos na aula, onde leeremos, analizaremos, reescibiremos,... o que vaiades traendo.

Como somos moit@s, cada quen que aporte o que poida que seguro que entre tod@s chegaremos a resolver as preguntas que formulamos.
                                                                  Grazas a tod@s por participar!!

BENVID@S, AMIG@S!!!!!!!!!!!

                                                           


Este será o blog de dúas aulas de 5 anos do CEIP Bergantiños, en Carballo. Nel falaremos desas cousas tan especiais que suceden nas nosas aulas, escribiremos os nosos pensamentos e sentimentos e relacionarémonos con outras aulas para coñecer a novos amig@s.
Este ano comezamos o curso con nomes novos para as aulas: seremos os leóns (5 anos A) e os tigres (5 anos B).

Non vos esquezades de volver a visitarnos para coñecer as nosas aventuras!!!!!!!!!!!!